Մի խումբ ուսանողներ հավաքվել են կառավարության շենքի դիմաց՝ ի պաշտպանություն Ռուբեն Հայրապետյանի (տեսանյութ)
Աջակցիր «Ա1+»-ինՀայաստանի պետական տնտեսագիտական համալսարանի մի խումբ ուսանողներ այս պահին կառավարության շենքի առջև են հավաքվել։
Նրանք այստեղ են՝ ի պաշտպանություն համալսարանի ռեկտորի պաշտոնակատար Ռուբեն Հայրապետյանի։
Հիշեցնենք, որ նախօրեին հայտնի դարձավ, վերջինը կթողնի զբաղեցրած պաշտոնը։
Համալսարանի տնտեսական ֆակուլտետի 4-րդ կուրսի ուսանող Տաթևիկ Գևորգյանը լրագրողների հետ զրույցում ասաց, որ պահանջում են վերանայել համալսարանի բոլոր դասախոսների դոկտորական և թեկնածուական աշխատանքները, և եթե Հայրապետյանի աշխատանքը չլինի լավագույն տասնյակում, ապա ուսանողների մի մասը կհեռանան համալսարանից։
Ուսանողները ցանկանում են հանդիպել կառավարության անդամների հետ, մասնավորապես՝ Կրթության, գիտության, մշակույթի և սպորտի նախարար Արայիկ Հարությունյանի և չեղարկել Հայրապետյանի՝ պաշտոնից հեռանալու որոշումը։
Հավաքված ուսանողները գոհ են պաշտոնակատարի իրականացրած բարեփոխումներից։
Նրանք ասացին, որ ստորագրահավաք են սկսել՝ ի պաշտպանություն Ռուբեն Հայրապետյանի։
Նրանք սպասում են կառավարության նիստի ավարտին՝ հետագա քայլերի համար։
