A
A
Լեւոն Արոնյանը երեք հաղթանակով մեկնարկեց Սենտ Լուիսի Grand Chess Tour-ը (տեսանյութ)
Աջակցիր «Ա1+»-ինՀայաստանի առաջատար շախմատիստ Լեւոն Արոնյանը վստահ սկսեց ելույթները ամերիկյան Սենտ Լուիսում մեկնարկած Grand Chess Tour-ի հերթական փուլը:
Այս գիշեր կայացած արագ շախմատի մրցաշարի առաջին երեք տուրերում մեր գրոսմայստերը տոնեց երեք հաղթանակ: Առաջին պարտիայում Լեւոն Արոնյանը սեւերով պարտության մատնեց ֆրանսիացի Մաքսիմ Վաշյե-Լագրավին, երկրորդում սպիտակներով առավելության հասավ ռուսաստանցի Սերգեյ Կարյակինի նկատմամբ, իսկ 3-րդ տուրում սեւերով ծնկի բերեց ադրբեջանցի Շահրիյար Մամեդյարովին:
Մեր շախմատիստը այժմ 6 միավորով վստահ գլխավորում է մրցաշարային աղյուսակը: Այսօր նախատեսված 4-6-րդ տուրերում նրա մրցակիցները կլինեն չինացի Դին Լիժենը, աշխարհի չեմպիոն Մագնուս Կառլսենը եւ ամերիկացի Լեյնիեր Պերեսը: