Երեւանի կենտրոնում ծառն ընկել է մեքենայի վրա
Աջակցիր «Ա1+»-ինՔիչ առաջ արտակարգ դեպք է տեղի ունեցել Երեւանի կենտրոնում։
Գեղամ Մանուկյանն իր Տոյոտա Քեմրի մակնիշի ավտոմեքենան կայանել է Հանրապետության հրապարակից մոտ հիսուն մետր հեռավորության վրա` Վազգեն Սարգսյան փողոցում։ Երբ վերադարձել է, մեքենան արդեն վնասված էր.ծառը ընկել է մեքենայի վրա։ Վնասվել է նաեւ հարեւանությամբ կայանված մյուս մեքենան։ Դեպքի վայր են ժամանել Երեւանի քաղաքապետարանի, Կենտրոն վարչական շրջանի,ԱԻՆ եւ ոստիկանության ներկայացուցիչները։ Ոստիկանությունը արձանագրություն է կազմել եւ արդյունքները կներկայացնի հինգ օրից։
Գեղամ Մանուկյանի հաշվարկով` մոտ 300 հազար դրամի վնաս է հասցվել մեքենային։Նա հեռախոսազրույց է ունեցել ապահովագրական գործակալի հետ։Վերջինս հայտնել է, թե նման դեպքերում իրենք չեն փոխհատուցում։ Իսկ ո՞վ պետք է փոխհատուցի։ Գեղամ Մանուկյանի կարծիքով` ծառի նման վիճակի համար պատասխանատունները,այսինքն` քաղաքային իշխանությունը։
Ինքը պատրաստ է անգամ դատարան հասնել`փոխհատուցում ստանալու համար։
Ի դեպ, Գեղամ Մանուկյանը կարծում է,որ ուղղակի բարեբախտություն է,որ ծառը դեպի փողոց է տապալվել։ Այս ժամին տասնյակ քաղաքացիներ են զբոսնում այդ մայթով։
,
