Հայ-ռուսական հարաբերությունները ամենադժվար փուլում են. ռազմական փորձագետ (տեսանյութ)
Աջակցիր «Ա1+»-ինՌազմական փորձագետ Վան Համբարձումյանի կարծիքով՝ ներկայումս՝ 1994 թվականից այս կողմ, հայ-ռուսական հարաբերություններն ամենավատ և ամենդժվար փուլում են։
«Մեղմ ասած սառեցված»,- ընդգծեց «Ա1+»-ի զրուցակիցը։
Նրա համոզմամբ՝ հարաբերությունների վատացումը սկսվել է 2018 թվականի ապրիլ-մայիսյան իրադարձություններից հետո։
Համբարձումյանի խոսքով՝ հարաբերություններն ավելի վատացան, երբ ՆԱՏՕ-ից հետո երկրորդ ուժեղագույն կառույց Հավաքական անվտանգության պայմանագրի կազմակերպության գլխավոր քարտուղար Յուրի Խաչատուրովին մեղադրանք առաջադրվեց։
«Շատ լուրջ ծանր մեղադրանքներ, որոնք ստվեր էին գցում թե՛ ՀԱՊԿ-ի վրա, թե՛ ՀԱՊԿ-ի անդամ բոլոր երկրների վրա»,- ընդգծեց նա։
Ռոբերտ Քոչարյանի ձերբակալությունն էլ, ռազմական փորձագետի պնդմամբ, մեծ ազդեցություն ունեցավ հարաբերությունների վատթարացման վրա։
Մանրամասները՝ տեսանյութում