Բողոքի ակցիա՝ քաղաքապետարանի դիմաց. պահանջում են կենդանաբանական այգու տնօրենի հրաժարականը (տեսանյութ)

Կենդանաբանական այգու նախկին աշխատակիցներն այսօր կրկին հավաքվել էին Երևանի քաղաքապետարանի դիմաց։ Նրանք պահանջում էին այգու տնօրենի հրաժարականը, քանի որ ըստ նրանց՝ տնօրենը մասնագետ չի և չի կարող ճիշտ տնօրինել այգին: 

Բողոքի ակցիայի մասնակիցները պահանջում էին հանդիպում քաղաքապետ Հայկ Մարությանի հետ, քանի որ այլ մարմիններից լուծում չեն ակնկալում:

Հավաքվածների հետ խոսեց քաղաքապետարանի Մշակույթի վարչության պետ Գոշ Սարգսյանը, ով ակցիայի մասնակիցներին խոստացավ առաջիկա օրերին հանդիպում կազմակերպել, որին ներկա կլինեն բոլոր կողմերը։