Բացել լրահոսը Փակել լրահոսը
Վանեցյան
A A
Սպորտ

Ազգային մարզադաշտը նախատեսվում է կառուցել Երևանին մոտ մարզերից մեկում. ՀՖՖ նախագահ (տեսանյութ)

Լրագրողների հետ ճեպազրույցում ՀՖՖ նախագահ Արթուր Վանեցյանն անդրադարձավ հայկական ֆուտբոլում առկա մի շարք խնդիրների։

«Պետությունը որևէ մասնակցություն չի կարող ունենալ ազգային ստադիոնի կառուցմանը,ազգային ստադիոնը պետք է կառուցվի մասնավոր ներդրողների կողմից»,- ասաց ՀՖՖ նախագահը՝ անդրադառանալով ազգային մարզադաշտի կառուցմանը։ Նա  հավելեց, որ դեռևս ներդրողների հետ այս ուղղությամբ բանակցությունները շարունակվում են։

Իսկ թե որտեղ է կառուցվելու այն, Վանեցյանն ասաց, որ սկզբում քննարկվել է Երևանում կառուցելու հարցը, սակայն քննարկման արդյունքում որոշում է կայացվել այն կառուցել Երևանին մոտ մարզերից մեկում։

Տեղեկություններ էին տարածվել, թե Աչաջուրի համայնքապետարանն արգելել է մարզադաշտ կառուցել համայնքում։ Այս կապակցությամբ Վանեցյանն ասաց, որ դա չի համապատասխանում իրականությանը եւ որ տվյալ համայնքի ղեկավարը զանգել և ներողություն է խնդրել ֆուտբոլի ֆեդերացիայից՝ նշելով, որ լրագրողի հարցը սխալ է հասկացել։

«Բոլոր համայնքները մշտապես մեզ հետ համագործակցում և աջակցում են։ Եվ չեմ կարծում, որ Հայաստանում լինի մեկ համայնքի ղեկավար, որին առաջարկվի համայնքում կառուցել անվճար ֆուտբոլի դաշտ, և նա չաջակցի»,- շեշտեց նա։

Մանրամասները՝ տեսանյութում