Աբովյանի ընտրությունից հետո «Քաղաքացիական պայմանագիրը» դասեր կքաղի. «Իմ քայլ»-ի պատգամավոր (տեսանյութ)
Աջակցիր «Ա1+»-ինԱբովյանի քաղաքապետի ընտրություններում «Քաղաքացիական պայմանագիր» կուսակցության պարտությունը գործընթաց է,որը բնական է ժողովրդավար երկրներում: Ասում է «Իմ քայլը» խմբակցության պատգամավոր Սարգիս Խանդանյանը՝ միաժամանակ,սակայն, ընդգծում, որ այս ընտրությունից ՔՊ-ն դասեր կքաղի։
«Գուցե պետք էր ավելի ակտիվ կազմակերպել նախընտրական քարոզչությունը: Լրացուցիչ ջանքեր են պահանջվում: Կարծում եմ՝ ՔՊ-ն մարզերում պետք է տարածքային ուժեղ կառույցներ ունենա, որպեսզի դրանք ոչ միայն քարոզչության ընթացքում աշխատեն քաղաքացիների հետ, այլև անընդհատ, որպեսզի հետագայում ապահովենք մեր հաջողությունը», - «Ա1+»-ին ասաց պատգամավորը:
Այնուամենայնիվ, ըստ նրա՝ սարսափելի բան տեղի չի ունեցել ոչ իշխանական ներկայացուցչի հաղթանակով:
Հարցին, թե սա իշխող կուսակցության՝ «Քաղաքացիական պայմանագրի» համար ձախողո՞ւմ էր, Սարգիս Խանդանյանն ասաց.
«Չեմ կարծում, թե սա ՔՊ-ի համար ձախողում էր։ Սա տեղային պարտություն էր, որը չեմ կարող պրոյեկտել ամբողջ քաղաքական ուժի համար»:
