Բացել լրահոսը Փակել լրահոսը
A A
Սպորտ

Բռնցքամարտ. Հովհաննես Փափազյանը դուրս է եկել Եվրոպայի առաջնության կիսաեզրափակիչ

Ռումինիայի Գալաց քաղաքում ընթացող բռնցքամարտի ավագ տարիքի պատանիների Եվրոպայի առաջնությունում Հայաստանը ներկայացնող գերծանր քաշային Հովհաննես Փափազյանը դուրս է եկել կիսաեզրափակիչ՝ ապահովելով առնվազը բրոնզե մեդալ: Այդ մասին հայտնում է Հայաստանի բռնցքամարտի մամուլի ծառայությունը:

Իսկ ահա քառորդ եզրափակիչ մտած մեր մյուս մարզիկները՝ 48կգ քաշային Գագիկ Ղազարյանը, 54կգ քաշային Վահագն Գալստյանը եւ 66կգ քաշային Միխայիլ Զախարյանը, պարտվեցին մրցակիցներին եւ դուրս մնացին պայքարից:

Այսօր կայանալիք կիսաեզրափակիչ մենամարտում Հովհաննես Փափազյանը կմրցի Թուրքիայի ներկայացուցիչ Սելիկ Բուրաքի հետ:

Եզրափակիչ մենամարտերը կանցկացվեն մայիսի 31-ին:


Russian