Բացել լրահոսը Փակել լրահոսը
A A
Մշակույթ

Ի՞նչն է ուժ տալիս փոքրիկ Միշային

Արցախի Հաթերք գյուղում ՝ Ժենգյալով հացի  փառատոնին մասնակցում էր երգիչ Միշա Գրիգորյանը ։ Ներկաները՝ մեծ, թե փոքր նրա հետ սկսեցին լուսանկարվել՝ միմյանց հերթ չտալով:

 «Ա1+»-ի լրագրողին  մի կերպ հաջողվեց  երկրպագուներից «պոկել» Միշային և հարցազրույց վերցնել:

Միշայից հետաքրքրվեցինք՝ արտերկրում Արցախը ներկայացնելը  ինչպիսի  պատասխանատվությո՞ւն է իր համար։

«Ես շատ եմ սիրում իմ երկիրը, նաև սիրում եմ իմ եկիրը ներկայացնել ուրիշ երկրներում»,-ասաց նա։

Ռուսաստանում «Գոլոս» մանկական նախագծում մասնակցելը Միշային մեծ փորձ է տվել: Մեծ տպավորություններով է  վերադարձել այնտեղից:

«Այստեղ ինձ շատ լավ դիմավորեցին, ամբողջ քաղաքը ինձ դիմավորեց և ես շատ շնորհակալ  եմ իրենց»,- ընդգծեց փոքրիկ ղարաբաղցին:

Հիշեցնեք, որ ռուսական «Գոլոս» նախագծում Միշան ոչ միայն հանդիսատեսի, այլև ժյուրիի անդամների կողմից շատ սիրվեց: Նա  ամեն անգամ հիանալի էր ելույթ ունենում: Միշան հասել է  մինչև եզրափակիչ փուլ:

Թե ի՞նչն էր իրեն ուժ տալիս, Միշան ասաց՝ իմ ընտանիքը, որն միշտ իմ  կողքին էր: