Տեղի է ունեցել Հայաստանի խաղողագործության և գինեգործության հիﬓադրաﬕ հոգաբարձուների խորհրդի հերթական նիստը
Աջակցիր «Ա1+»-ինՀՀ գյուղատնտեսության նախարարությունում այսօր տեղի է ունեցել Հայաստանի
խաղողագործության և գինեգործության հիմնադրաﬕ հոգաբարձուների խորհրդի
հերթական նիստը, որը նախագահում էր խորհրդի անդամ, ՀՀ գյուղատնտեսության
նախարարի տեղակալ Արտակ Քամալյանը:
Նիստի ընթացքում հիմնադրամի գործադիր տնօրեն Զարուհի Մուրադյանը համառոտ
ներկայացրել է հիմնադրամի ընթացիկ և նախատեսվող նախաձեռնությունները։
Առավել կարևոր ծրագրերի թվում նա մասնավորապես մատնանշել է Վայոց ձորի և
Արագածոտնի մարզերում աշխարհագրական նշումով գինիների համակարգի լիիրավ
կիրարկման խթանման, առկա կոլեկցիոն և ցուցադրական այգիների պահպանման և
տեղածին սորտերով լրացման, խաղողա-գինեգործական շրջաններում
գինեգործությամբ զբաղվող տնային տնտեսություններին տեխնիկական և
մասնագիտական աջակցության և մի շարք այլ ծրագրեր:
Բացի այդ, նախատեսվում է նկարահանել թեմատիկ ուսուցողական տեսահոլովակների
շարք, ֆրանսիական Ռիչմոնտ համալսարանի հետ համատեղ իրականացնել
խաղողագործների կրթական վերապատրաստման դասընթացներ:
Հիմնադրամը կաջակցի նաև հայ գինեգործական արտադրանքի ներկայացմանը
միջազգային մի շարք հեղինակավոր, այդ թվում` «China International Import
Expo 2019», չինական Ցինդաո քաղաքում մայիսին կայանալիք «SCO International
Investment and Trade Expo», «Prowein Dusseldorf 2020», «La Grande
Degustation De Montreal 2019» և «EnoExpo 2019, Krakow» ցուցահանդեսներին:
Առաջիկա նախաձեռնությունների թվում է նաև հայկական գինիների ներկայացումը
Նիդերլանդների Թագավորությունում և Գերմանիայի Դաշնության Ալգաու քաղաքում
կազմակերպվող հայկական գինիների համտես-շնորհանդեսների ընթացքում:
Հիմնադրամը 2019 թվականի մայիսին նախատեսում է նաև կազմակերպել Երևանում
հայկական գինիների շնորհանդես-համտես Հայաստանի Հանրապետությունում
դիվանագիտական ներկայացուցիչների համար:
Կկազմակերպվեն նաև արտասահմանյան փորձագետների այցեր, ինչպես նաև գործարար
հանդիպումներ հայաստանյան գինեգործական ընկերությունների ներկայացուցիչների
և միջազգային գնորդների միջև:
Նիստի ընթացքում հաստատվեցին հիմնադրամի հաստիքացուցակն ու բյուջեն,
քննարկվեցին կանոնադրության անհրաժեշտ փոփոխություններին վերաբերող հարցեր։
Միաժամանակ նշվեց, որ անհրաժեշտ է մեթոդաբանություն մշակել, որպեսզի
մասնավոր գինեգործական ընկերությունները նույնպես ներդրում ունենան
հիմնադրամի գործունեության ֆինանսավորման հարցում։
ՀՀ գյուղատնտեսության նախարարության տեղեկատվության և
հասարակայնության հետ կապերի բաժին