ԲԴԽ նախագահը «հեռախոսային արդարադատության» մասին հարցերը պրիմիտիվ մոտեցում է համարում (տեսանյութ)
Աջակցիր «Ա1+»-ինԲարձրագույն դատական խորհրդի նախագահ Գագիկ Հարությունյանի կարծիքով, այսօր Հայաստանում հնարավորություն կա ունենալ անկախ դատական համակարգ:
Գագիկ Հարությունյանը «հեռախոսային արդարադատության» մասին հարցերը պրիմիտիվ մոտեցում է համարում: Հիշեցնենք, որ վարչապետ Նիկոլ Փաշինյանը բազմիցս նշել է, որ նոր Հայաստանում դատավորներին զանգեր չեն լինելու:
«Ժամանակին կարող է շատ են եղել զանգեր կամ քիչ, բայց արդարադատության համար երաշխիքները պետք է չորսը լինեն՝ ֆունկցիոնալ, ինստիտուցիոնալ, նյութական, սոցիալական: Ես խորապես համոզված եմ, որ այդ երաշխիքներն այսօր էլ անբավարար են և մեր ամբողջ այս գործունեությունն ուղղված է այդ երաշխիքների ստեղծմանը: Եթե ստեղծվում է օբյեկտիվ երաշխիքը, սուբյեկտիվ միջամտությունը զրոյացվում է»,- լրագրողների հետ զրույցում ասաց Գագիկ Հարությունյանը:
Անդրադառնալով այն հարցին, որ դատական համակարգի ներկայացուցիչները դատարան են դիմել՝ կասկածի տակ դնելով ԲԴԽ նախագահի լեգիտիմությունը, Հարությունյանն ասաց, որ չի մեկնաբանում այդ դատավորների արածն ու ասածը:
«Այդտեղ որևէ օրենսդրական խնդիր առկա չէ ոչ Սահմանադրությամբ, ոչ դատական օրենսգրքով, ոչ էլ մեկ այլ որևէ իրավական ակտով: Նման սահմանափակում գոյություն չունի»,-նշեց Գագիկ Հարությունյանը՝ հավելելով, որ այստեղ բացարձակապես որևէ խնդիր չկա:
