Մատենադարանի աշխատակիցը պատրաստվում է դիմել դատարան (տեսանյութ)

Մատենադարանում կառուցվածքային փոփոխությունների արդյունքում փակվել է ձեռագիր աղբյուրների հետազոտման խումբը:

2016 թվականին տրամադրվել է  2 մլն դրամ, որպեսզի  ստեղծվի գիտական հետազոտական խումբ, որը կզբաղվի վաղ անցյալի ձեռագիր նյութերի մեջ  ժողովրդական մշակույթին վերաբերող տեղեկությունների հայթայթմանը:  Խմբի ավագ գիտական աշխատակից , պատմական գիտությունների թեկնածու Արծրունի Սահակյանի խոսքով՝ այդ 3 տարիների ընթացքում իրենք  լույս են ընծայել 3 մենագրություն:

Նրա կարծիքով, տնօրեն այս քայլին գնում է ելնելով անձնական դրդապատճառներից: Քանի որ, երբ 2017 թվականին, Վահան Տեր- Ղևոնդյանը ցանկացել է պաշտպանել դոկտորականը, որպեսզի հետագայում դառնա Մատենադարանի տնօրեն,  Արծրունի Սահակյանը լինելով դոկտորականի գրախոսը նշել է, որ աշխատանքը թերի է, որի պատճառով միայն երրորդ փուլում Վահան Տեր- Ղևոնդյանը կարողացել պաշտպանել դոկտորականը:

Արծրունի Սահակյանը նշում է, որ տնօրենն իրեն զրպարտել է, որ նա այդ խումբը բացել է դիմելով շանտաժի և ճնշումների: Այդ մեղադրանքների պատճառով,  նա պատրաստվում է դիմել դատարան:

 «Վահան Տեր- Ղևոնդյանը, երբ տեսավ խումբը փակելու գիտական հիմնավորումները բավարար չեն, ինձ մեղադրեց, որ խումբը բացելու համար ես շանտաժով և խարդախությամբ ճնշում եմ գործադրել նախկին տնօրենի վրա: Դա այնպիսի մեղադրանք,է, որը ես պետք է քննարկեմ միայն դատարանում: Այդ ամենը ասվում է կոլեկտիվի առաջ, եթե ես լռեմ,  նրանք կմտածեն, որ խարդախությամբ եմ բացել այս խումբը»:

Նրա խոսքով՝տնօրենը ակնարկել է նաև, որ այդ գործում նրան օգնել է երրորդ նախագահի եղբայր՝ նախկին հոգաբարձուների խորհրդի նախագահ Լևոն Սարգսյանը և ավելացնում. «Եթե նման աջակցություն ունենայի ես կդառնայի Մատենադարանի նախագահ: