«Ի՞նչ է նշանակում, թե Օրբելյանը շատ է բացակայել» (տեսանյութ)
«Շատ եմ հավանում Փաշինյանի այն թեզը, որ ժողովուրդն է երկրի տեր: Բայց հիմա որ վերևներում ինչ որ բան են որոշում, առանց մարդկանց կարծիքը հաշվի առնելու, արդեն դառնում է ոչ թե ժողովրդավարություն, այլ հրամայավարություն»,- ասում է թատերական գործիչ Նիկոլայ Ծատուրյանը՝ անդրադառնալով Կոնստանտին Օրբելյանին Օպերայի և բալետի ազգային ակադեմիական թատրոնի տնօրենին աշխատանքից հեռացնելու որոշմանը: «Ի՞նչ է նշանակում, թե Օրբելյանը շատ է բացակայել աշխատավայրից, ասում են 364 օրից 200 օր ստեղ չի եղել: Կարող է 364 օր չլինի Հայաստանում: Գեղարվեստական ղեկավարը ամբողջ պրոցեսն է ղեկավարում, եթե նրա բացակայության ժամանակ մեծ ներկայացումներ են բեմադրվել, ի՞նչ նշանակություն ունի քանի օր է բացակայել»,- շարունակում է նա։ Գաբրիել Սունդուկյանի անվան թատրոնի գրական մասի ղեկավար Նելլի Շահնազարյանի կարծիքով Կ. Օրբելյանի շնորհիվ օպերայի թատրոնը այլևս աշխարհին աղքատի կարգավիճակով չի ներկայանում: Վերջին 35-40 տարիներին Հայաստանը Մոսկվայի մեծ թատրոնում չի ներկայացել, իսկ հիմա հայտնի են դառնում ամբողջ աշխարհին: Նելլի Շահնազարյանը անդրադարձավ նաև Գ.Սունդուկյանի թատրոնում առկա խնդիրներին նշեց որ վերջին տարիներին տնօրենի շնորհիվ թատրոնը ծաղկել է, սակայն թատրոնում մշտապես ստուգումներ են իրականացվում, որի պատճառով էլ խաթարվում է թատրոնի աշխատանքը:
