Փոփոխություններ Հայաստանի ֆուտբոլի առաջնության խաղացանկում
Բարձրագույն խմբի առաջնությունում տեղի են ունեցել փոփոխություններ.տեղեկացնում է Հայաստանի ֆուտբոլի ֆեդերացիայի մրցումների կազմակերպման եւ անցկացման բաժինը, Հաշվի առնելով այն հանգամանքը, որ եղանակային անբարենպաստ պայմանների պատճառով Վաղարշապատի ֆուտբոլի ակադեմիայի մարզադաշտը պատրաստ չէ ընդունելու առաջնության հանդիպումները, 25-րդ տուրի «Փյունիկ» - «Լոռի ՖԱ» հանդիպումը բացառության կարգով կկայանա Վազգեն Սարգսյանի անվան «Հանրապետական» մարզադաշտում: Սա կլինի մրցաշրջանի վերջին հանդիպումը «Հանրապետական» մարզադաշտում, որից հետո այստեղ կսկսվեն խոտածածկի բարեկարգման աշխատանքները: Եվս մեկ փոփոխություն կապված է խաղերի անցկացման ամսաթվերի հետ: Ապրիլի 14-ին նախատեսված «Արարատ-Արմենիա» - «Բանանց» հանդիպումը կկայանա ապրիլի 15-ին, իսկ «Գանձասար-Կապան» - «Արարատ» հանդիպումը՝ ապրիլի 14-ին:
