Ինչո՞ւ է ներմուծվող լոլիկն ավելի էժան
Աջակցիր «Ա1+»-ինԱյսօր կրկին կառավարության առջեւ բազմամարդ էր: Այս անգամ այստեղ էին հավաքվել Արմավիրի եւ Արարատի մարզի բնակիչները:
Նրանք բողոքում են, որ տեղում արտադրված լոլիկի գինը ավելի թանկ է, քան ներմուծվողինը:
Գյուղացիների խոսքերով' մեզ մոտ 1 կգ լոլիկի մաքսազերծումն արժեքը 420 դրամ է, եւ եթե դրան գումարվի ճանապարհածախսը եւ ապրանքի գինը, ապա Թուրքիայից ներմուծվող լոլիկը պետք է լինի ավելի թանկ: Սակայն հակառակն է, քանի որ ներմուծված լոլիկի 70- 80 %-ը չի մաքսազերծվում:
«Հիմնականում լոլիկը գալիս է Թուրքիայից: Սակայն 20 տոննայի փոխարեն մաքսազերծում են ընդամենը 300-400 կգ :Դրսում լոլիկի ինքնարժեքը 800 դրամ է , սակայն մեզ մոտ վաճառվում է 400-500 դրամով,պոմիդորը բերում են,ներկայացնում' որպես սոխ »-ասում էին բողոքի մասնակիցները:
Նրանց խոսքերով' 1 կգ լոլիկ արտադրելու համար միջինը ծախսում են 650-700 դրամ:
Ըստ գյուղացիների' օլիգարխների կողմից թույլ տրվող օրինազանցումները եւ գազի գնի թանկացումները իրենց տնտեսությունները դրել են սնանկացման եզրին եւ չեն կարողանալու մուծել բանկերից վերցրած վարկերը:
Այսօր ցուցարարները նամակ հանձնեցին վարչապետին' ներկայացնելով իրենց խնդիրները: Նրանք ասում են, որ իրենց խնդրին պետք է լուծում տրվի, հակառակ դեպքում 2000 գյուղացիական տնտեսություն կմնա անգործ:
Վարչապետի պատասխանից հետո գյուղացիները կորոշեն իրենց հետագա անելիքները:
