ԱՂԲՅՈՒՐԱԿՌԻՎ
Աջակցիր «Ա1+»-ինՏավուշի մարզի ընդհանուր իրավասության դատարանի դատավոր Արման Կյուրեղյանը(նստավայրը` Նոյեմբերյան) վճիռ կայացրեց, որով մերժեց Բերդավանի բնակիչ Աշոտ Ղազարյանի հայցն ընդդեմ Զավեն Ղարաքեշիշյանի: Գյուղի Գարդուշ հանդամասում բազմաթիվ հուշաղբյուրներ կան, որոնց նախաձեռնողները դրանք կառուցել են ի հիշատակ կյանքից վաղաժամ հեռացած իրենց հարազատների:
Այստեղ անտառը փոքր է, աղբյուրները` շատ:
Բերդավանցի Աշոտ Ղազարյանը բողոքում էր, որ համագյուղացի Զավեն Ղարաքեշիշանը վաղամեռիկ որդու հուշաղբյուրը կառուցել է իր հոր հիշատակին ավելի վաղ կառուցված աղբյուրին շատ մոտ եւ փաստորեն այնտեղ կայանող ավտոմեքենաները խանգարում են, որ մարդիկ օգտվեն իրենց կառուցած աղբյուրից:
Բացի այդ, նոր հուշաղբյուրի կառուցումից նվազել է իրենց աղբյուրի ջուրը: Աշոտ Ղազարյանը դատարանից պահանջում էր քանդել Զ.Ղարաքեշիշանի կողմից ավելի ուշ կառուցված աղբյուրը:
Դատավոր Կյուրեղյանը մեզ հայտնեց, որ բոլոր աղբյուրներն էլ անօրինական են եւ դրանց քանդման գործով պետք է զբաղվեն համապատասխան պետական մարմինները:
Նշենք, որ այդ աղբյուրները գտնվում են Նոյեմբերյանի անտառտնտեսությանը պատկանող տարածքում:
Նոյեմբերյանի «Քամուտ» ՀԸ
