«Բարսելոնան» Մադրիդում ջախջախեց «Ռեալին» եւ մտավ եզրափակիչ (տեսանյութ)
Իսպանիայի ֆուտբոլի գավաթի խաղարկությունում հայտնի դարձավ եզրափակիչ հանդիպման առաջին մասնակիցը: Դա երկրի չեմպիոն «Բարսելոնան» է, որը Մադրիդում կայացած պատասխան խաղում պարզապես ջախջախեց տեղի «Ռեալին»: Իսպանիայի հերթական Էլ Կլասիկոյի առաջին խաղակեսն անցավ մադրիդցիների առավելությամբ, սակայն նրանց այդպես էլ չհաջողվեց գոլ խփել, քանի որ ֆանտաստիկ խաղ ցուցադրեց բարսելոնացիների դարպասապահ Տեր Շտեգենը, որը հետ մղեց Վինիսիուսի, Վասկեսի, Բանզեմայի եւ նույն Վինիսիուսի վտանգավոր հարվածները: Երկրորդ խաղակեսը նույնպես սկսվեց «Ռեալի» գրոհներով, սակայն տանտերերն այդպես էլ չգտան հյուրերի դարպասի գրավման բանալին: Իսկ ահա «Բարսելոնան», որը ընտրել էր հակագրոհների մարտավարություն, 100 տոկոսով օգտագործեց իր գոլային պահերը: Խաղի 50-րդ րոպեին աչքի ընկավ Լուիս Սուարեսը, 69-ին «Ռեալի» ֆուտբոլիստ Ռաֆայել Վարանը ակամայից գրավեց սեփական դարպասը, իսկ 73-րդ րոպեին նույն Սուարեսը 11մ հարվածով եռապատկեց հաշիվը:
