Ձմեռ Պապի մաղթանքը «Ա1+»-ի ընթերցողներին (տեսանյութ)
Հանրապետության հրապարակում տոնական տրամադրություն է։ Նախատոնական օրերին հրապարակը երբեք դատարկ չի լինում։ Երեխաները գալիս են հանդիպելու իրենց սիրելի Ձմեռ պապիկին, Ձմեռ պապիկներն էլ սիրով ողջունում են երեխաներին, նկարվում նրանց հետ և խոստանում, որ կկարդան նրանց նամակներ ու Ամանորի գիշերը կայցելեն նրանց։ Ձմեռ պապիկները ողջույնի խոսք են փոխանցում նաև «Ա1+»-ի ընթերցողներին և հայ ժողովրդին։ 2019 թվականից սպասելիքները շատ են, բայց ամենակարևոր ցանկությունն է, որ կարողանանք պահպանել այն ձեռքբերումներն ու հաղթանակները, որ ունեցել ենք 2018 թվականին։ Ձմեռ պապիկի մաղթանքը միշտ էլ հաճելի և սպասված է, որ տարիքում էլ լինենք, բայց այսօր ոչ բոլոր Ձմեռ պապերը սիրով ցանկացան բարեմաղթանք հղել ժողովրդին, ոմանք նշեցին, որ բարեմաղթանք հղելու համար պետք է իրենք վճարվեն, որովհետև դա իրենց աշխատանքն է։ Եվ որպես ամփոփում՝ մաղթանք «Ա1+»-ից։ Թող ամանորի հեքիաթը այցելի բոլոր նրանց, ովքեր հավատում են հրաշքներին։
