Մեծ ցանկություն կա, որ Հայաստանը ունենա սեփական արբանյակը (տեսանյութ)
90-ականներից սկսած Հայաստանում պետության կողմից գիտության նկատմամբ լուրջ վերաբերմունք չկա: «Հայաստանում գիտությանը տրամադրող բյուջեի չափը ամենացածր տոկոսներից է կազմում՝ 0, 23%»,- ասաց Բյուրականի աստղադիտարանի տնօրեն Արեգ Միքայելյանը: Նոր իշխանությունից ակնկալիքներ սպասում են աստղադիտարանում: «Հիմնականում ակնկալում ենք ֆինանսական օգնություն, որովհետև բոլոր հարցերը կապված են դրա հետ: Օրինակ ՝ տեխնիկական հագեցվածությունը հենց դրանով է պայմանավորված: Երիտասարդությունը քիչ է գալիս դեպի գիտություն, պատճառը՝ ֆինանսներն են»: Ըստ Արեգ Միքայելյանի՝ աստղագիտությունը տարեցտարի կարևորվում է: «Ցանկացած գիտություն հիմա մեծ հեռանկարներ է տեսնում տիեզերքից ստացված տվյալների հիման վրա իր գիտությունը զարգացնելու համար: Նույնին ձգտում է Բյուրականի աստղադիտարանը, բացել ենք նոր բաժիններ ՝ աստղաքիմիա և աստղակենսաբանություն, որոնք ուսումնասիրում են հիմա արտաարեգակնային մոլորակներ, դրանց վրա կյանքի հետք են որոնում, իհարկե հնարավոր է ֆանտաստիկ թվալ, բայց և, եթե նման բան հայտնագործենք մեր երկրում թռիչքաձև զարգացումներ կլինեն»: Աստղադիտարանը կառավարության հետ միասին մշակում է տիեզերական հետազոտությունների ծրագիր է: «Մեծ ցանկություն կա, որ հայաստանը ունենա սեփական արբանյակը, դա մեծ գումարների հետ է կապված, բայց արդյունքում դրանից կշահենք: Ամեն ինչ գնելով այլ երկրներից ավելի թանկ է նստում»: Մանրամասները՝ տեսանյութում:
