Դիպլոմներ՝ միջազգային մրցույթից
«Լիդիցե 46-րդ» ամենամյա միջազգային նկարչական և դեկորատիվ արվեստի մրցույթը կայացել է «Ջուրը՝ ոսկուց առավել» խորագրի ներքո, որն ընտրվել էր Չեխիայի ՅՈՒՆԵՍԿՕ-ի հանձնաժողովի կողմից՝ նկատի ունենալով խմելու ջրի պակասի, երաշտի և կլիմայի փոփոխության հետ կապված գլոբալ խնդիրները: 2018թվականին ցուցահանդես-մրցույթին մասնակցել են 79 պետություն, ներկայացվել է՝ 29967 աշխատանք: Մասնագիտական միջազգային ժյուրիի կողմից շնորհվել է՝ 1246 մրցանակ, 67 պետությունների ներկայացուցիչների: Ժյուրիի գլխավոր մրցանակը՝ «Ապակե Ներկապնակները» հանձնվել է՝ Օպավա քաղաքի Տ.Գ. Մասարիկայի հիմնական դպրոցին և Սլովենիայի Ռոգաշովցի քաղաքի՝ Ս. Յուրիի անվան դպրոցին: 2018թվականին Հայաստանի Հանրապետությունից Չեխիայի Հանրապետություն է ուղարկվել թվով 305 աշխատանքներ, որից 69 միայն Դիլիջանի Հովհաննես Շարամբեյանի անվան մանկական գեղարվեստի դպրոցից: Այսպիսով , 2018 թվականին՝ Լիդիցե 46-րդ միջազգային մրցույթից, Հայաստանի Հանրապետությունն ունի՝ 13 դիպլոմակիր երեխաներ և մեկ մեդալ: Հայաստանի Հանրապետության այս տարվա մրցանակակիրների պարգևատրման արարողությունը կայացավ՝ Հայաստանի Ցեղասպանության Թանգարան-Ինստիտուտում: Ողջույնի խոսքով հանդես եկավ և երեխաներին շնորհավորեց ՀՑԹԻ փոխտնօրեն՝ Լուսինե Աբրահամյանը: Իսկ միջոցառումը կազմակերպել էր Հայաստանի Հանրապետությունում Չեխիայի Հանրապետության արտակարգ և լիազոր դեսպան, պարոն՝ Պետր Միկիսկան: Մրցանակները երեխաներին հանձնեց դեսպան պարոն Պետր Միկիսկան: Իսկ արդյունքում Դիլիջանի գեղարվեստի դպրոցի աշակերտներ՝ Մարիամ Հակոբյանը, Արեն Ասատրյանը, Ալիկ Մարկարյանը, Տագուհի Սողոյանը և Գեորգի Թորոսյանը արժանացել են դիպլոմների և նվերների: Իսկ Գեղարվեստի դպրոցը՝ լավագույն գրաֆիկական և գեղանկարչական աշխատանքների հավաքածուի համար արժանացել է՝ Վարդ մեդալի: Միջոցառման ժամանակ հատուկ շնորհակալություն հայտնվեց դեսպանի կողմից նաև վերոնշյալ աշակերտների ուսուցիչներ՝ Սոֆյա Պարանյանին, Նազիկ Պարանյանին և տնօրեն՝ Հրեղեն Գասպարյանին, կարևորելով երկար տարիների արդյունավետ համագործակցությունն ու մասնակցությունների արդյունքում՝ դպրոցի ձեռքբերումները:
