Ռոնալդուն, Մոդրիչը եւ Սալահը կպայքարեն 2018թ լավագույն խաղացողի կոչման համար
Ֆուտբոլի միջազգային ֆեդերացիայի վարկածով 2018 թվականի լավագույն ֆուտբոլիստի մրցանակի համար կպայքարեն երեք խաղացող:
Նրանք են Պորտուգալիայի հավաքականի եւ իտալական «Յուվենտուսի» հարձակվող Կրիշտիանու Ռոնալդուն, Խորվաթիայի ընտրանու եւ Մադրիդի «Ռեալի» կիսապաշտպան Լուկա Մոդրիչը եւ «Լիվերպուլի» եգիպտացի հարձակվող Մոհամեդ Սալահը: 2018թ լավագույն ֆուտբոլիստի անունը հայտնի կդառնա սեպտեմբերի 24-ին Լոնդոնում կայանալիք The Best FIFA Football Awards շնորհանդեսում:
Ի դեպ, վերջերս ՈՒԵՖԱ-ի հարցման արդյունքներով Լուկա Մոդրիչը ճանաչվել էր Եվրոպայի անցած մրցաշրջանի լավագույն ֆուտբոլիստ: Քրիշտիանու Ռոնալդուն նախապես իմանալով այդ մասին, չէր ներկայացել մրցանակի հանձման արարողությանը, չնայած ընգրկված էր երեք թեկնածուների թվում եւ հատուկ հրավեր էր ստացել ՈՒԵՖԱ-ից:
