A
A
Միակ տուգանային հարվածով Սերբիան հաղթեց Կոստա Ռիկային
Ֆուտբոլի 2018 թվականի աշխարհի առաջնության առաջին տուրի խաղում Սերբիայի հավաքականը նվազագույն հաշվով հաղթեց Կոստա Ռիկայի ընտրանուն։ Միակ գոլը տուգանային հարվածով խփեց սերբերի ավագ Ալեքսանդր Կոլարովը՝ 56-րդ րոպեին։ Կոստարիկացիները գոլ խփելու մեկ պահ ունեցան, սակայն անկյունայինի խաղարկումից հետո հարձակվողներին միացած պաշտպան Ջանկարլո Գոնսալեսը մոտ տարածությունից գլխով բարձր հարվածեց։ Սերբիայի հավաքականն 1։0 հաշվով հաղթանակ տարավ եւ երեք միավորով գլխավորեց E խումբը,որտեղ հանդես են գալիս նաեւ Բրազիլիայի եւ Շվեյցարիայի հավաքականները։
