Երվանդ Մկրտչյանը՝ Եվրոպայի փոքր երկրների չեմպիոն
Հայաստանի աթլետիկայի հավաքականը այսօր Լիխտենշտեյնում կայացած Եվրոպայի փոքր երկրների առաջնությունում նվաճել է չորս մեդալ: Մեր պատվիրակներից առավել հաջող հանդես եկավ Երվանդ Մկրտչյանը, որը 3000 մետր վազքում 8:24.87 արդյունքով գրավեց առաջին տեղը եւ արժանացավ ոսկե մեդալի: Գայանե Չիլոյանը 400մ վազքում 55,40 վայրկյան ցուցանիշով զբաղեցրեց 2-րդ տեղը՝ հետ մնալով միայն Կիպրոսի ներկայացուցչից: Բորնզե մեդալ նվաճեցին հեռացատկորդ Արտակ Հաբարձումյանը եւ մեր տղամարդկանց քառյակը (Ա. Հովհաննիսյան, Ռ. Մկրտչյան, Ն. Ղուկասյան, Տ. Մկրտչյան), որն առաջին անգամ իր ուժերը փորձեց շվեդական փոխանցավազքում (100+200+300+400մ): Հիշեցնենք, որ այս տարվա Եվրոպայի փոքր երկրների առաջնությանը մասնակցած 17 երկրների 250 մարզիկ-մարզուհիները խաղարկեցին 11-ական կոմպլեկտ մեդալներ:
