A
A
Փլուզում. փրկարարները սահմանազատել են տարածքը
Հունիսի 4-ին, ժամը 12:04-ին «911» ծառայությանը տեղեկություն է ստացվել, որ Տավուշի մարզի Բերդ քաղաքի Սարալանջի փողոցում գտնվող տներից մեկի մի մասը փլուզվել է: Դեպքի վայր են մեկնել ՀՀ ԱԻՆ ՓԾ հրշեջ-փրկարարական ջոկատի և Մարզային փրկարարական վարչության օպերատիվ խմբերը: Պարզվել է, որ Սարալանջի փողոցի տներից մեկի (երկհարկանի, 120 քմ) ննջասենյակի արտաքին պատից փլուզվել է մոտ 20 քմ հատված. տուժածներ չկան: Փրկարարներն անվտանգության ժապավենով սահմանազատել են տարածքը: Ստացված տեղեկությունը փոխանցվել է մարզպետարանի աշխատակազմի քաղաքաշինության վարչության և աշխատակազմի տարածքային կառավարման վարչության պետերին: ԱԻՆ
