Մեղադրանքը Արթուր Մովսիսյանին չի վերաբերում, այլ Ժիրայր Սեֆիլյանին
Ապօրինի զենք-զինամթերքի տեղափոխման հայտնի քրեական գործով 3 տարվա ազատազրկման դատապարտված Արթուր Մովսիսյանի մեղադրանքը քաղաքական է: Այսօր Վերաքննիչ դատարանում հայտարարել է նրա պաշտպան Արայիկ Պապիկյանը: «Դա իրեն չի վերաբերում, Ժիրայր Սեֆիլյանին է վերաբերում: Ուղղակի Արթուր Մովսիսյանը գործի շրջանակներում անկախ իր կամքից, առանց որեւէ գործողություն կատարելու դարձել է կազմակերպված խմբի անդամ: Նա ոչ միայն կազմակերպված խմբի անդամ է դարձել, այլ նաեւ դարձել է ռազմավարարական հաստատություններ զավթելու մտադրություն ունեցող անձանց խմբի անդամ»,- ասաց Արայիկ Պապիկյանը: Որեւէ ապացույց սակայն, ըստ պաշտպանի, չկա, որ հանրապետությունից բացակայող Արթուր Մովսիսյանը կապ ունի այս գործի հետ: Պաշտպան Արայիկ Պապիկյանը միջնորդել է արդարացնել Արթուր Մովսիսյանին:
