«Արսենալ»-«Չելսի» 2-1 . Հենրիխ Մխիթարյանը թիմի հետ ժամանել է մարզադաշտ (տեսանյութ)
Ավարտվեց Անգլիայի լիգայի գավաթի կիսաեզրափակչի «Արսենալ» - «Չելսի» հանդիպումը։
Հենրիխ Մխիթարյանի նոր ակումբն՝ «Արսենալ»-ը, 2։1 հաշվով հաղթեց մրցակցին և դուրս եկավ եզրափակիչ, որտեղ ուժերն է չափելու «Մանչեսթր Սիթի»-ի հետ։
Հայաստանի ազգային հավաքականի ավագ Հենրիխ Մխիթարյանը չմասնակցեց խաղին, քանի որ հայտավորված չէր մրցաշարին։
----------------------------------------
Հայաստանի հավաքականի ավագ Հենրիխ Մխիթարյանը չի մասնակցի Անգլիայի լիգայի գավաթի խաղարկության «Արսենալ» - «Չելսի» կիսաեզրափակիչ խաղին:
Մեր ֆուտբոլիստը թեեւ նոր թիմի՝ «Արսենալի» հետ ժամանել է մարզադաշտ, սակայն նա ստիպված է բաց թողնել հանդիպումը, քանի որ նա դեռեւս վերջերս է «Մանչեսթեր Յունայթեդից» տեղափոխվել նոր ակումբ եւ մրցաշարի կանոնակարգով չէր կարող հայտավորվել այս խաղում: Չնայած դրան, Հենրիխ Մխիթարյանը պատկերված է հանդիպման կապակցությամբ հրապարակված պաշտոնական ծրագրի առաջին էջում:
Նշենք, որ թիմերի միջեւ կայացած առաջին խաղում գրանցվել էր գոլազուրկ ոչ-ոքի: Այսօր նախատեսված պատախան հանդիպումը կսկսի ուղիղ կեսգիշերին: Ֆուտբոլասերներն այն կարող են դիտել ստորեւ, ինչպես նաեւ այստեղ կամ այստեղ:
