Պորտֆոլիո՝ Թումո Դիլիջանում (տեսանյութ)
Թումո Դիլիջան կենտրոնում անցկացվում է իրենց կարեւորագույն միջոցառումներից մեկը՝ ուսանողների աշխատանքների տարեկան ներկայացումը՝ Պորտֆոլիոն։ «Կարող եք տեսնել իրենց կողմից ստեղծված ֆիլմերը, խաղերը, ինչպես նաեւ անիմացիաները, լուսանկարները եւ այլ աշխատանքներ: Ամեն տարի մենք ավելի շատ բան ունենք ցույց տալու»,- «Ա1+»-ին ասաց Թումո Դիլիջան կենտրոնի ղեկավար Արմեն Հայրապետյանը: Թումոն ունի 4 կենտրոն՝ Երեւանում, Դիլիջանում, Գյումրիում եւ Ստեփանակերտում: 5-րդ կենտրոնն էլ շուտով կբացվի Կողբում: Թումո Դիլիջան կենտրոնում կարելի էր լսել ուսանողների մշակած էլեկտրոնային երաժշտությունը: Երկամսյա աշխատանքից հետո Արսեն Մինասյանը ռեմիքս է արել Գետաշեն երգը: Թումո Դիլիջան կենտրոնը ունի 400 ուսանող: Նրանց թիվը գնալով աճում է: Ուսանողները ոչ միայն Դիլիջանից են, այլ նաեւ հարակից գյուղերից: Այստեղ սովորում են նաեւ Լոռու եւ Գեղարքունիքի մարզերի ուսանողներ: Մանրամասները՝ տեսանյութում