A
A
Արցախցի մարզիկները՝ պրոֆեսիոնալ մրցումներին
ՀՀ Մուայթայի (թայլանդական բռնցքամարտ) ֆեդերացիայի նախագահ Արտակ Բրուտյանի նախաձեռնությամբ ապրիլի 14-17-ը Երևանում տեղի է ունենալու Մուայթայի միջազգային մրցաշար:
Այս մասին «Արցախպրես»-ի թղթակցի հետ զրույցում ասել է Արցախի մարտարվեստների ասոցիացիայի նախագահ Գարեգին Աղաբալյանը և նշել, որ միջազգային մրցաշարին մասնակցելու են նաև արցախցի մարզիկները:
ՀՀ «Արմֆայթինգ» ֆեդերացիայի նախաձեռնությամբ ապրիլի 15-ին Երևանում տեղի է ունենալու մարտեր առանց կանոնների պրոֆեսիոնալ մրցումները:
Արցախի «Արմֆայթինգ» պրոֆեսիոնալ ֆեդերացիայի հավաքականի գլխավոր մարզիչ, մարզիկ Արմեն Հայրապետյանն այս մասին ասել է. «Արցախից մրցումներին մասնակցելու եմ ես, Էդվարդ Հակոբյանը, Արսեն Ադամյանը և Ալբերտ Աղաջանյանը»: