A
A
«Համախմբումը» դատապարտում է Արթուր Սարգսյանի կալանավորումը
Երեկ՝ փետրվարի 9-ին, կրկին կալանավորվել է Արթուր Սարգսյանը, որը հանրությանը հայտնի է «Հաց բերող» անունով: ԱԺ մարդու իրավունքների պաշտպանության եւ հանրային հարցերի մշտական հանձնաժողովի նախագահ Էլինար Վարդանյանն անմիջապես կապվել է փաստաբան Տիգրան Եգորյանի հետ եւ պատրաստակամություն հայտնել «Համախմբում» կուսակցության անդամներ, ԱԺ հինգ պատգամավորի անունից հանդես գալ որպես անձնական երաշխավորներ կալանքը խափանման միջոց չկիրառելու համար: Մենք խստորեն դատապարտում ենք դատարանի որոշումը՝ այն համարելով անընդունելի եւ անմարդկային: Կոչ ենք անում ԱԺ պատգամավորներին, իրավապաշտպան կազմակերպություններին ուշադրության կենտրոնում պահել խնդիրը: ԱԺ պատգամավորներ Վարդան Օսկանյան Էլինար Վարդանյան Ստեփան Մարգարյան Վահե Հովհաննիսյան Հայկ Խաչատրյան
