Ամենաշատ մեկուսացած քաղաքացիները մնում եմ գործազուրկ (տեսանյութ)
Հաշմանդամություն ունեցող 118 քաղաքացի պետք է աշխատեր Ֆինանսների նախարարությունում, մինչդեռ 2016թ դեկտեմբերի 1-ի դրությամբ կառույցն ուներ ընդամենը այդպիսի 10 աշխատող։ Ընդորում՝ հաշվետու տարվա սկզբին այստեղ հաշմանդամություն ունեցող աշխատողների թիվը 91- էր։
Իսկ ահա «Հայանտառ» ՊՈԱԿ-ում այս ցուցանիշները շուրջ երեք անգամ գերազանցված են. Հաշմանդամություն ունեցող անձանց համար օրենքով նախատեսված 34 աշխատատեղի փոխարեն հունվարին զբաղեցված են եղել 100-ը, իսկ նոյեմբերին հասել է 119-ի։
Պաշտոնական տվյալների համաձայն՝ 2016թ.-ի դեկտեմբերի 1-ի դրությամբ աշխատանքով ապահովված է հաշմանդամություն ունեցող 950 քաղաքացի։ «Ես ճիշտն ասած հաճելիորեն կզարմանայի այդ թվի համար, որովհետև նախ նշվում է, որ դա նաև սեզոնային աշխատանք է եղել, այսինքն որոշակիորեն փորձում են ապահովագրել իրենց թե կեղծ տվյալներից, թե կեղծ թվեր ասելուց, որովհետև այն մարդիկ, ովքեր ամենաշատն են մեկուսացած, խոսքը վերաբերում է ֆիզիկական, տեսողական, լսողական, մտավոր առողջության խնդիր ունեցող անձանց, նրանք այսօր շարունակում են մնալ անաշխատանք»,- ասում է «Հաշմանդամություն ունեցող անձանց շահերի պաշտպանության դաշինքի» գործադիր տնօրեն Զարուհի Բաթոյանը Նախորդ տարվա ամփոփիչ ցուցանիշները դեռեւս չեն հրապարակվել։ Այդ ժամանակ պարզ կլինի, թե ինչպես է կատարվել «Զբաղվածության մասին» օրենքի պահանջը։ Հարյուր և ավելի աշխատողներ ունեցող պետական կազմակերպություններում հաշմանդամություն ունեցող այդպիսի անձանց թիվը պետք է կազմի առնվազն 3 տոկոս, իսկ ոչ պետական կազմակերպություններում՝ 1 տոկոս։ «Այդ խտրական վերաբերմունքը հիմնականում ոչ պաշտոնական կերպով է արտահայտվում, ասյինքն՝ որևէ մեկը աշխատողին չի ասում, որ դու հաշմանդամություն ունես այդ պատճառով մենք չենք կարող քեզ աշխատանքի ընդունել, բայց իրենք նշում են, որ հենց դա է պատճառը» ,-ասում է «Ա1+»-ի զրուցակիցը։ Զարուհի Բաթոյանը ցուցանիշները վերլուծելով՝ մի տպավորություն է ստացել։
Կարծես՝ այն պահից, երբ որոշ կազմակերպություններ բացահայտել են, որ հաշմանդամություն ունեցող աշխատողների թիվն ավելին է, քան պահանջվում է, սկսել են կրճատել: Օրինակ՝ ՀՀ արտակարգ իրավիճակների նախարարության աշխատակազմում 2016-ի հունվար- նոյեմբեր ամիսներին այդ թիվը 78-ից նվազել է մինչև 1-ի, քվոտայի պահանջը, սակայն, 4-ն է:
Գրեթե կրկնակի նվազել է աշխատողների թիվը ՝ 78-ից դառնալով 46. քվոտավորման ենթակա աշխատատեղերի թիվն այստեղ 39-ն է։ Բայց վերջնական հայտարարություն կարվի, երբ բոլոր ցուցանիշները հրապարակվեն։
