2016-ին Հայաստանում 10 կին է սպանվել (տեսանյութ)
Կանանց նկատմամբ բռնությունները չեն դադարի, մինչեւ դրան չտրվի օրենսդրական լուծում: Ամփոփելով տարին՝ կանանց իրավունքների պաշտպանները ցավով են նշում՝ Կանանց իրավունքների պաշտպանության եւ ընտանեկան բռնության կանխարգելման մասին օրենքի նախագիծն այս տարի էլ մնաց թղթի վրա: Այս տարի Հայաստանում արձանագրվել է կնասպանության 10 դեպք: Կանանց իրավունքների պաշտպանության կենտրոնները ստացել են 5000-ից ավելի զանգ: Բազմաթիվ կանայք Հայաստանում դառնում են բռնության զոհ, քանի որ իրավապահ մարմինները բավարար լիազորություններ չունեն ընտանիքի տուժած անդամին օգնություն ցույց տալու համար: Բացի օրենքի ընդունումից, Հայաստանում խնդիր է նաեւ խտրական վերաբերմունքը ընտանեկան բռնության դեպքերին: Մենթալիտետի փոփոխության համար իհարկե ժամանակ է պետք, բայց սկսել երբեք էլ ուշ չէ: Մանրամասները՝ տեսանյութում
