Հայտնի է ով է դատելու կաշառք վերցրած դատավորին
Երևան քաղաքի Շենգավիթ վարչական շրջանի ընդհանուր իրավասության դատարանի դատավոր Իշխան Բարսեղյանին կդատի նույն դատարանի դատավոր Կարեն Մարդանյանը: Հիշեցնենք, որ իր վարույթում քննվող քաղաքացիական գործով կողմի օգտին իր լիազորությունների շրջանակում գործողություններ կատարելու համար, դատավոր Իշխան Բարսեղյանը, փաստաբան Էլզա Զաքարյանի միջոցով, պահանջել եւ 2016 թվականի հոկտեմբերի 27-ի հետիոտնային գետնանցումներից մեկում անձամբ ստացել է 1000 ԱՄՆ դոլար կաշառք: Այս գործով մեղադրանք է առաջադրվել նաեւ փաստաբան էլզա Զաքարյանին: Սակայն նրա նկատմամբ որպես խափանման միջոց է ընտրվել քաղաքից չբացակայելու մասին ստորագրությունը: Կարեն Մարդանյանը այս տարվա հունիսի 16-ին է նշանակվել Շենգավիթ վարչական շրջանի ընդհանուր իրավասության առաջին ատյանի դատարանի դատավոր:
