Հենրիխ Մխիթարյանը ՅՈՒՆԻՍԵՖ-ի միակ դեսպանն է Հայաստանում (տեսանյութ)
Հայաստանում ՅՈՒՆԻՍԵՖ-ի ներկայացուցիչ Տանյա Ռադոչայը եւ Հայաստանի ֆուտբոլի հավաքականի ավագ Հենրիխ Մխիթարյանը այսօր ստորագրեցին համագործակցության հուշագիր ի պաշտպանություն երեխաների իրավունքների: Այդպիսով, մեր ֆուտբոլիստը պաշտոնապես դարձավ ՅՈՒՆԻՍԵՖԻ բարի կամքի դեսպան: Տանյա Ռադոչայը իր ելույթում նշեց, որ իրենք պատահական ընտրություն չեն կատարել, քանի որ Հենրիխ Մխիթարյանը վերջերս Մանչեսթերում մասնակցել էր ՅՈւՆԻՍԵՖ-ի բարեգործական ակցիային: «Շնորհակալ եմ այս կարեւոր դերը ինձ հանձնելու համար: Վստահ եմ, որ ՅՈւՆԻՍԵՖ-ի հետ ավելի մեծ արդյունքների կհասնենք յուրաքանչյուր երեխայի իրավունքները պաշտպանելու գործում: ՅՈՒՆԻՍԵՖ-ի հետ իմ համագործակցության հենասյունը լինելու է կրթության ոլորտը: Կազմակերպության հետ միասին ես ակտիվ քայլեր եմ ձեռնարկելու, որպեսզի հավասար պայմաններ ստեղծվեն երեխաների ուսուցման համար», - պատասխան խոսքով հանդես եկավ Հենրիխ Մխիթարյանը: