Եթե այս զինատեսակները օգտագործվեին ապրիլյան պատերազմում (տեսանյութ)
«Ազատ, անկախ, Հայաստան»,- այս վանկարկումներն այսօր լսվում էին Հանրապետության հրապարակում: Երեւանի թիվ 38 հիմնական դպրոցի սաները հատուկ հանդերձանքով էին եկել ռազմական շքերթը դիտելու։ «Մեզ շատ հետաքրքիր էր տեսնել Հայաստանի հզոր զենքերը»,- ասում էին աշակերտները: Հազարավոր քաղաքացիներ հետեւում էին զորահանդեսին, որտեղ ներկայացվում էր զինված ուժերի ժամանակակից զինանոցը։ «Մենք հրաշք զինատեսակներ ունենք, հակառակորդն արդեն վախեցած է մեզանից»,- ասում է քաղաքացիներից մեկը: Շատերը համոզված են՝ եթե այս զինատեսակները օգտագործվեին ապրիլյան պատերազմի օրերին, մենք կարող էինք խուսափել զոհերից. «Այդքան կորուստներ չէինք ունենա»: Անկախության օրը երկինքը ներկվեց Հայաստանի Հանրապետության դրոշի գույներով։ Գրոհային ինքնաթիռների խումբը սլացավ՝ իր հետեւից թողնելով եռագույն հետք։ Քաղաքացիների կարծիքները՝ տեսանյութում