«Աստծուն չպետք է խնդրել շատ փող աշխատել» (տեսանյութ)
Հռոմի պապի այցելությունը Հայաստան ռեժիսոր Նիկոլայ Ծատուրյանը համարում է բարոյականության դաս ։ «Պետք չէ հարգել բենթլիասիրությունը եւ Աստծուն խնդրեն շատ փող աշխատել: Այդ դեպքում ոչինչ չի փոխվի»,- լրագրողների հետ հանդիպման ժամանակ նշեց ռեժիսորը: Նրա խոսքերով՝ Պապը շատ ավելի խելոք եւ հեռատես քաղաքականություն է վարում, քան կարող ենք պատկերացնել եւ շատ կարեւոր ուղերձ հղեց քրիստոնյա աշխարհին՝ դառնալ մեկ բռունցք: «Կաթոլիկ առաջնորդի այցի ընթացքում պակաս կարեւոր չէր նաեւ նրա կողմից Գրիգոր Նարեկացու հիշատակման փաստը: Միշտ մտածում ենք, որ փոքր ազգ ենք, ով պետք է Նարեկացուն ճանաչի: Հռոմի պապը հերքեց այս մտայնությունը»,- ավելացրեց Նիկոլայ Ծատուրյանը: Լեզվաբան Դավիթ Գյուրջինյանն էլ ավելացնում է, որ Հռոմի պապը բոլորի սիրելին է, որովհետեւ աջակցում է խնդում մանկան հետ, զորակցում է կարիքավորին, եւ վշտակցում է հիվանդին: «Ասում են՝ գնաց եւ իր հետ տարավ լույսը, սակայն դա այդպես չէ: Պապը գնաց եւ Հայաստանում թողեց լույսի եւ բարության իր բաժինը»,- ասաց Դավիթ Գյուրջինյանը: Գրող-հրապարակախոս Մերուժան Տեր-Գուլանյանն էլ Պապի այցն իրապես դարակազմիկ իրադարձություն է համարում.«Նա ստիպեց աշխարհը տեսնել ավելի գեղեցիկ»: Նա նաեւ ավելացրեց, որ Կաթոլիկ աշխարհի առաջնորդը Երեւանում, Էջմիածնում եւ Գյումրիում այնքան ազատ քայլում, ինչպես կքայլեր Վատիկանում: