Դատավորը մերժեց Գեւորգ Սաֆարյանին (տեսանյութ)
Խորհրդակցական սենյակից վերադառնալուց հետո դատավոր Մնացական Մարտիրոսյանը մերժեց Գեւորգ Սաֆարյանի խափանման միջոցը՝ կալանքը, փոխել այլ փախանման միջոցով կամ կիրառել գրավ: Դատավորը նշեց, որ միջնորդությունը անհիմն է: Դատարանն այսօր լսեց նաեւ Ոստիկանության 4-րդ հատուկ գումարտակի հրամանատար, ոստիկանության մայոր Գեղամ Խաչատրյանի ցուցմունքը։ Նա հողորդում է տվել հանցագործության մասին, թե Գեւորգ Սաֆարյանը իրեն եւ ձեռքով եւ ոտքով հարվածել է: Գեւորգ Սաֆարյանը հարց բարձրացրեց, ինչո՞ւ հենց այդ ժամանակ իրեն բերման չեն ենթարկել Ազատության հրապարակից: Ինչին ի պատասխան՝ Գեղամ Խաչատրյանը նշեց, որ իր դիմաց պարբերաբար մարդիկ էին հայտնվում եւ չէր կարողանում հասնել Գեւորգ Սաֆարյանին: Դատական հաջորդ նիստին՝ հունիսի 14-ին, կշարունակվի տուժող Գեղամ Խաչատրյանի հարցաքննությունը։ Մանրամասները՝ տեսանյութում:
