A
A
«Աշխարհի ամենալավ մարդը»
ՀՀ պաշտպանության նախարարության մամուլի խոսնակ Արծրուն Հովհաննիսյանն այսօր հրապարակել է ղարաբաղա-ադրբեջանական շփման գծում ռազմական գործողությունների արդյունքում զոհված զինծառայողներից մի քանիսի անունները: Նրանցից մեկը Արմավիրի մարզի Ապագա գյուղի բնակիչ, 1988թ. ծնված կապիտան Հովսեփ Գեղամի Կիրակոսյանն է: «Ա1+»-ի հետ զրույցում Ապագայի գյուղապետ Արտաշես Բարսեղյանը նրան բնութագրեց որպես «աշխարհի ամենալավ մարդ». «Շատ պարկեշտ, կրթված մարդ էր՝ խելացի ընտանիքից»,-ասաց նա՝ հավելելով, որ զոհվածը ընտանիքի երեք զավակներից մեկն էր. ունի քույր եւ եղբայր: Ամուսնացած էր, երկու անչափահաս երեխաների տեր: Հովսեփ Կիրակոսյանի հոգեհանգիստը տեղի կունենա այսօր՝ գյուղի մշակույթի տանը, ժամը 18:00-ին, իսկ հուղարկավորությունը՝ վաղը՝ ապրիլի 5-ին, ժամը 14:00-ին:
