Զինվորների վիճակը կայուն ծանր է. թարմացվող (տեսանյութ)
20.00 Հոսպիտալ էր այցելել նաև ԱԺ փոխնախագահ Էդուարդ Շարմազանովը։ 18.24. Երևանի կենտրոնական զինվորական հոսպիտալում գտնվող մեր թղթակիցը հաղորդում է, որ հենց նոր 3 «Շտապ օգնության» մեքենա է ժամանել այնտեղ: Ճանապարհը փակել են եւ մեքենաները մտել են ներս: Թե քանի վիրավոր են տեղափոխել, այս պահին հայտնի չէ: 18.17. Կենտրոնական զինվորական հոսպիտալի պետ Արամ Ասատուրյանը նշում է՝ ԼՂՀ-ից տեղափոխված զինծառայողներն ստացել են որովայնի, կրծքավանդակի, ստորին վերջույթների վնասվածքներ: «Նրանց վիճակը ծանր կայուն է: Եթե ծանր կայուն է, կյանքին կարող է վտանգ սպառնալ»,- լրագրողներին ասաց Արամ Ասատուրյանը: Նրա խոսքերով՝ հիմա զբաղվում են հրատապ բուժական միջամտություններով: Զինծառայողներից մեկը գտնվում է վերակենդանացման բաժանմունքում, իսկ երկուսին վիրահատում են: Տեսանյութը՝ ստորև
