Սումգայիթի և Բաքվի ջարդերի անմեղ զոհերի հիշատակը հարգվեց Նյու Յորքում
Փետրվարի 28-ին Նյու Յորքի Սբ․Վարդան Մայր տաճարում տեղի ունեցավ սբ․պատարագ՝ Սումգայիթի և Բաքվի ջարդերի անմեղ զոհերի հիշատակին։
Արարողությունը շարունակվեց նաև զոհերի հիշատակին նվիրված Խաչքարի
մոտ ։ Օրվա պատարագողն էր Սբ․Վարդան Մայր տաճարի լուսարարապետ,
Հայր Մամիկոն Քելեջյանը ։ Պատարագից հետո մասնակիցները հավաքվեցին
տաճարի Գավուքչյան սրահում, որտեղ հանդիսությունը բացեց Բրուքլինի
հայկական համայնքի ղեկավար Մարիանա Բագդասարովան ։
Ելույթ ունեցավ «ՈԻղիղ օգնություն հայ համայնքին» կազմակերպության
հիմնադիր նախագահ, դոկտոր Սվետլանա Ամիրխանյանը. «Ամբողջ
տարիների ընթացքում մենք հայի պատիվը բարձր ենք պահել։ Մենք քիչ ենք,
բայց մեզ հայ են ասում, և բոլոր դեպքերում մենք մեր տեղը ունենք ։ Մենք
աշխատել ենք բարձր որակով ։ Բրուքլինում հիմնեցինք հայկական դպրոց ,
որտեղ մեր երեխաները ուսումնասիրում են հայոց պատմությունը, լեզուն, հայկական արվեստը։ Մենք մեր հաջողություններով պետք է հարված հասցնենք տեղի ադրբեջանցիներին, որպեսզի նրանք զգան և պատկերացնեն, որ մեզ ոչ ոք չի կարող հաղթել»։
Ներկաները ջերմությամբ ընդունեցին Բրուքլինի հայկական դպրոցի ջութակահարների անսամբլի (ղեկավար՝ Դիանա Վալիսյան) «Աստղիկներ» մանկապատանեկան երգչախմբի (ղեկավար՝ Մարիա Սահակյան ), ինչպես նաև Եվգենյա Սարյանի և Ծովինար Աղավյանի ելույթները ։
ՌՈԲԵՐՏ ԿԱՐԱՊՏՅԱՆ
ՆՅՈՒ ՅՈՐՔ
Լուսանկարները՝ հեղինակի
