A
A
Սամվել Ուզունյանը ցանկանում է հրաժարվել նախագահի պաշտոնից
Ավան եւ Նոր Նորք վարչական շրջանների ընդհանուր իրավասության դատարանի նախագահ Սամվել Ուզունյանն Արդարադատության խորհրդին դիմում է ներկայացրել՝ դատարանի նախագահի պաշտոնից հրաժարվելու եւ դատարանում որպես դատավոր աշխատելու մասին: Այս մասին «Ա1+»-ին հայտնեց դատական դեպարտամենտի ղեկավարի առաջին տեղակալ Աննա Վարդապետյանը: Նրա խոսքերով՝ փետրվարի 12-ին Արդարադատության խորհուրդը կքննարկի՝ բավարարել Սամվել Ուզունյանի բողոքը, թե՝ ոչ: Ի դեպ, Սամվել Ուզունյանը արդեն 12 տարի է, Ավան եւ Նոր Նորք վարչական շրջանների ընդհանուր իրավասության դատարանի նախագահն է:
