A
A
Դպրոցներում կկատարվեն անակնկալ ստուգայցեր. մարզպետարան
Սույն թվականի փետրվարի 1-ից հանրակրթական դպրոցներում դասապրոցեսը վերսկսվելու կապակցությամբ վիրուսաբանական իրավիճակը մարզում վերահսկելու նպատակով խստորեն արգելվում է սուր շնչառական վարակներով հիվանդների մուտքը ուսումնական հաստատություններ (ախտանիշներ՝ գլխացավ, մկանացավ, բարձր ջերմություն, հազ, թուլություն, հարբուխ, հեղձուկ, արյունահոսություն քթից), մինչև նրանց լիարժեք ապաքինումը:
Նշված ախտանիշներով հիվանդներին ևս մեկ անգամ կոչ ենք անում դիմել բուժհաստատություններ: Յուրաքանչյուր առավոտյան՝ մինչ դասապրոցեսի սկսվելը, ուսումնական հաստատություններ հաճախող երեխաները կհետազոտվեն բուժքույրերի կողմից:
Բացակայությունները պետք է լինեն բացառապես հարգելի և համաբուժարանների տրամադրած տեղեկանքների հիման վրա: Դպրոցներում պատկան մարմինների կողմից կկատարվեն անակնկալ ստուգայցեր:
Լոռու մարզպետարան
