Մարզահամերգային համալիրը դեռեւս չի հայտնվել մասնավորի ձեռքերում (տեսանյութ)
ԱԺ հերթական նիստում կառավարության հարց ու պատասխանի ժամանակ ՀԱԿ խմբակցության ղեկավար Լեւոն Զուրաբյանը հարց ուղղեց Կառավարությանը՝ կապված Մարզահամերգային համալիրի վաճառքի հետ: Զուրաբյանը մասնավորապես նշեց, թե համալիրը գնող սեփականատերը սկզբում մեկ մարդ է եղել, հետո՝ այլ, եւ որ վերջինիս անունը մամուլում շրջանառվել է կոռուպցիոն սկանդալների շրջանակներում։ Հարցին ի պատասխան՝ Կառավարության աշխատակազմի ղեկավար Դավիթ Հարությունյանը պատասխանեց. «Հայաստանի Հանրապետությունը պայմանագիր կքնում է ոչ թե սեփականատերերի, այլ իրավանաբական անձի հետ, եւ թե ինչպես են փոխվում սեփականատերերը, կարեւոր չէ: Եթե այստեղ ցանկություն լիներ խայտառակ գործարք կնքելու, ապա նման կոշտ պայմաններ չէին լինի պայմանագրում: Ոչինչ դեռեւս չի հայտնվել մասնավոր ձեռքերում, որովհետեւ պայմանագիրը կնքված չէ»:
