A
A
Մեր սամբիստները այդպես էլ ոսկե մեդալ չնվաճեցին
Լատվիայի մայրաքաղաք Ռիգայում կայացած 2015թ սամբոյի աշխարհի պատանեկան եւ երիտասարդական առաջնությունում մեր մարզիկները նվաճեցին 5 մեդալ: Ինչպես տեղեկացնում է Հայաստանի սամբոյի ֆեդերացիայի մամուլի ծառայությունը, Էդմոն Մանուկյանը /48 կգ/ եւ Դանիել Գաբրիելյանը /60կգ/ իրենց քաշային կարգում պարտվել են միայն եզրափակիչ գոտեմարտում եւ գրավել են 2-րդ տեղը՝ արժանանալով արծաթե մեդալի: Իսկ ահա 52 կգ քաշային Հարություն Սարգսյանը, 87 կգ քաշային Գրիգոր Սահակյանը, 100 կգ քաշային Գառնիկ Սարոյանը չեն կարողացել հաղթահարել կիսաեզրափակիչ փուլի արգելքը եւ ստիպված բավարարվել են բրոնզե պարգեւով: