Կնշանակեն ԿԲ նախագահ (տեսանյութ)
ԱԺ քառօրյայի մեկնարկին ՀԱԿ խմբակցության ղեկավար Լեւոն Զուրաբյանին հետաքրքրում էր՝ ԱԺ կանոնակարգի որ կետով է Արտահերթ նիստում քննարկված հարցերի քվեարկությունը դրվում հերթական նիստին: ԱԺ նախագահ Գալուստ Սահակյանը վստահեցրեց, որ որեւէ խախտում չկա, ու արտահերթ նիստին քննարկված բոլոր նախագծերը դրվեցին քվեարկության ու անցկացվեցին: Այս պահին օրենսդիրը շարունակում է արտահերթ նիստում ընդհատված «Հաշվապահական հաշվառման մասին» օրենքի փոփոխությունների երկրորդ ընթերցմամբ ամբողջովին ընդունման հարցի քննարկումը: Սրանով Կառավարությունն առաջարկում է մեկ մլրդ դրամից ավելի շրջանառություն ունեցող կազմակերպությունների դեպքում հանել պարտադիր աուդիտը: ԱԺ ընդդիմադիր ուժերից ոմանք դեմ են դրան: Այս հարցի քննարկումից հետո ԱԺ-ն ըստ հերթականության կսկսի ԿԲ նախագահի նշանակման հարցի, ոչ իշխանական չորս ուժերի նախաձեռնած «Գազի հարցով» նոր ժամանակավոր հանձնաժողով ստեղծելու մասին նախագծի, իսկ ապա՝ նոր Կառավարության ծրագրի քննարկումները:
