«Քառյակի առաջարկները, հնարավոր է, խմբագրվեն». Aravot.am
ՀՀԿ խմբակցության ղեկավար Վահրամ Բաղդասարյանը դեռ չի շտապում ասել, թե «Կուտակային կենսաթոշակների մասին» ՀՀ օրենքում ոչ իշխանական քառյակի կողմից ներկայացվող առաջարկներն իրենց համար ինչքանո՞վ են ընդունելի: ՀՀԿ խմբակցության ղեկավար Վահրամ Բաղդասարյանը դեռ չի շտապում ասել, թե «Կուտակային կենսաթոշակների մասին» ՀՀ օրենքում ոչ իշխանական քառյակի կողմից ներկայացվող առաջարկներն իրենց համար ինչքանո՞վ են ընդունելի: «Այդ առաջարկները պետք է քննարկել ու ընտրել այնպիսի տարբերակ, որը ընկալելի կլինի թե քաղաքական ուժերի, թե հասարակության համար»,- ասաց պարոն Բաղդասարյանը: Մեր հարցին՝ այս պահին դրանք ընկալելի չե՞ք համարում, ասաց` ամեն ինչ պարզ կլինի քննարկումից հետո: Մեր հարցին, քառյակի առաջարկները ինչքանո՞վ են համապատասխանում իշխող կուսակցության նախատեսած փոփոխություններին, նա կրկնեց. «Ճիշտ չեմ համարում առանց քննարկման որեւէ բան ասել, քննարկումից հետո ամեն ինչ պարզ կլինի»: Պարոն Բաղդասարյանի խոսքով, առաջիկա 4-5 օրվա ընթացքում առաջարկների ու վերջնական փոփոխությունների մասով հստակեցումներ կլինեն: Մեր հարցին՝ քառյակի առաջարկները տեղ կգտնե՞ն սպասվող փոփոխություններում, ՀՀԿ խմբակցության ղեկավարն ասաց. «Պարզապես խմբագրական ինչ-որ բաներ կարող են լինել, նաեւ ընդհանուր քննարկման արդյունքում պարզ կդառնա, նախօրոք չեմ ցանկանում մեկնաբանել»: Ամբողջական հոդվածը կարող եք կարդալ այստեղ
