Դուք հավատում եք, որ Ձեր դրամապանակը կվերադարձվի՞ (տեսանյութ)
Ազատության հրապարակում մի խումբ դերասաններ իրականացրին ֆլեշմոբ` պարտադիր կուտակային կենսաթոշակային համակարգի դեմ:
Տիկնիկային թատրոնի դերասանուհի Տաթեւ Մելքոնյանը, վերցնելով մեկի դրամապանակն ասաց. «Դուք հավատո՞ւմ եք`ես ձեր դրամապանակը կվերադարձնեմ 40 տարի հետո, այնպես էլ մենք չենք վստահում այս կառավարությանը»:
Ֆլեշմոբն ուղեկցվում է պարերով։ Մասնակիցների անձրեւանոցների վրա գրված է. «Դեմ եմ պարտադիր կուտակայինին»: Մասնակիցներից մեկի ձեռքում կա մի անձրեւանոց, որի վրա գրված էր «Կողմ եմ», բայց սա էլ ամբողջովին քրքրված էր: Սրանով դերասանները փորձում են ցույց տալ, թե ինչ կլինի օրենքի կիրառման դեպքում:
Ֆլեշմոբը շարունակվեց Շառլ Ազնավուրի հրապարակում, իսկ ճանապարհին թռուցիկներ են բաժանում` տեղեկացնելով մարտի 22-ի երթի մասին:
Այստեղ են նաեւ «Դեմ եմ» նախաձեռնության անդամները, թեեւ թռուցիկները բաժանում են դերասանները:
