Մարզպետն արդեն հրամաններ է տվել (տեսանյութ)
«Սյունիքի մարզպետ Սուրեն Խաչատրյանը նախընտրական շրջանում կամայականություններ է սկսել»: Այսօր նման հայտարարություն արեց Գորիսի նախկին քաղաքապետ, թիվ 37 ընտրատարածքում ինքնառաջադրված, ՀԱԿ նախկին անդամ Սամվել Հարությունյանը:
«Մեկ շաբաթ առաջ Գորիսում՝ իրեն հատուկ մեթոդներով հրամայել է, որ բոլորն աշխատեն ու հանկարծ որևէ մեկը ... ես նրա բառապաշարը չեմ կարող ներկայացնել, իսկ քարոզարշավը դեռ չի սկսել»,- «Հայելի» ակումբում ասաց նա։
Պարոն Հարությունյանի՝ խոսքերով ինքը Հայ Ազգային Կոնգրեսի շարքերից հեռացել է ռազմավարական և մարտավարական տարաձայնությունների պատճառով:
Ի դեպ, թիվ 37 ընտրատարածքում Հայ Ազգային կոնգրեսի թեկնածուն Վարազդատ Վարդազարյանն է:
«Երբևէ ես ներբող չեմ ձոնել Լևոն Տեր-Պետրոսյանի հասցեին»,- ասաց Սամվել Հարությունյանն ու առաջարկեց Վարազդատ Վարդազարյանին և ՀԱԿ ղեկավարությանը հանել այս թեկնածությունը. «Ինձ չխանգարելու և ծանրակշիռ դարձնելու համար այս հաղթանակը»:
Սամվել Հարությունյանն այսօր տեղեկացրեց նաև, որ հայցադիմում է ներկայացրել ՀՀ վարչական դատարան, որպեսզի անվավեր ճանաչվի նույն ընտրատարածքում առաջադրված Թաթուլ Հակոբյանին Ոստիկանության անձնագրերի և վիզաների վարչության կողմից տրված վերջին հինգ տարում Հայաստանում մշտական բնակության մասին տեղեկանքը:
«ԱՆ նախկին փոխնախարար Թաթուլ Հակոբյանը 2010թ նոյեմբերի 9-ին ազատվել է պաշտոնից եւ կարճ ժամանակ անց աշխատանքի անցավ Դանիայում առողջապահության համաշխարհային կազմակերպությունում»,- ասաց նա։
