Այցի ընթացքում քննարկվել են մրցաշարի ընթացքը, մասնակիցների ցուցադրած խաղը և գրոսմայստերի ու միջազգային վարպետի նորմաներին հասնելու նրանց հնարավորությունները, քանի որ մրցաշարի վճռորոշ փուլերում յուրաքանչյուր պարտիա կարող է էական նշանակություն ունենալ շախմատիստների հետագա արդյունքների համար։

Հանդիպմանը ներկա էին նաև մրցաշարի կազմակերպիչ, Հայաստանի շախմատի ֆեդերացիայի խորհրդի անդամ Աղասի Ինանցը, Հայաստանի շախմատի ֆեդերացիայի նախագահի առաջին տեղակալ, Հայաստանի շախմատի ակադեմիայի հիմնադիր-գլխավոր տնօրեն, ՄԳ Սմբատ Լպուտյանը և Հայաստանի շախմատի ֆեդերացիայի գործադիր տնօրեն Արմեն Գևորգյանը, ինչպես նաև հեղինակավոր գրոսմայստերներ Գաբրիել Սարգսյանը, Արման Փաշիկյանը և Տիգրան Հարությունյանը: