Իրանի և Ֆրանսիայի ԱԳ նախարարները հեռախոսազրույց են ունեցել

Իրանի ԱԳ նախարար Աբբաս Արաղչին և Ֆրանսիայի ԱԳ նախարար Ժան-Նոել Բարոն հեռախոսազրույց են ունեցել՝ քննարկելով ԱՄՆ-ի և Իսրայելի ռազմական ագրեսիայի հետևանքները։

Արաղչին քննադատել է որոշ եվրոպական երկրների դիրքորոշումը, որոնք նշում են պատերազմի տնտեսական հետևանքները, բայց լռում են Իրանի ժողովրդի վրա կատարած հարձակումների մասին։ Նա ընդգծել է, որ Իրանը կշարունակի պաշտպանական գործողությունները՝ ներառյալ ԱՄՆ բազաների և ռազմական օբյեկտների դեմ, որոնք տեղակայված են տարածաշրջանում։

Արաղչին հավելել է, որ Հորմուզի նեղուցում ռազմական ագրեսիա իրականացնող երկրների նավերին արգելվել է անցնել՝ համաձայն միջազգային իրավունքի։ Այլ երկրների նավերը կարող են անցնել՝ Իրանի համապատասխան մարմինների հաստատմամբ։

Ֆրանսիայի ԱԳ նախարարը հաստատել է երկրի դիրքորոշումը՝ ընդդեմ Իրանի վրա հարձակման և քաղաքացիական օբյեկտների թիրախավորման։