Հայաստանում ուժեղացված սահմանային վերահսկողություն է ՌԴ֊ում բռնկումների ֆոնին
Աջակցիր «Ա1+»-ինՂազախստանը եւ Բելառուսը սահմանափակումներ են մտցրել ՌԴ-ից կենդանական ծագման ապրանքների ներմուծման վրա: Որոշումն ընդունվել է կենդանիների հիվանդության բռնկումների ֆոնին:
Հայաստանում այս պահին իրականացվում է սահմանային ուժեղացված հսկողություն։ Ինչպես «Ա1+»-ին հայտնեց ՀՀ սննդամթերքի անվտանգության տեսչական մարմնի Իրազեկման, խորհրդատվության և հանրության հետ տարվող աշխատանքների բաժնի պետ Անուշ Հարությունյանը, սահմանային ուժեղացված վերահսկողության ժամանակ կենդանիներից իրականացվում է արյան նմուշառում և կատարվում լաբորատոր փորձաքննություն անդրսահմանային հիվանդությունների նկատմամբ․ «Լաբորատոր բացասական պատասխան ստանալու դեպքում միայն թույլատրվում է բեռի մուտքը Հայաստանի Հանրապետություն։ Դրական արդյունքի դեպքում մուտքն արգելվում է»,- ասաց Անուշ Հարությունյանը։
Մինչ այս պահը լաբորատոր փորձաքննությամբ անհամապատասխանություններ չեն հայտնաբերվել:
